“Барселона”: Ҳурматимизни жойига қўйинг!

“Барселона” раҳбарияти жамоа иштирокидаги ўйинларни телевидение орқали трансляция қилаётган телеканалларга эътироз билдирди.

Sport.es нашрининг ёзишича, каталонияликлар трансляцияни уюштираётган ижодкорлар жамоага нисбатан ҳурматсизлик қилаётганидан норози.

Хусусан, учрашувлар намойиши вақтида бош мураббий Хави Эрнандесга нисбатан салбий фикр уйғотаётган шарҳлар, бош мураббий ҳакам билан тортишаётган вазиятларни атайин кўп кўрсатиш ҳолатлари “Барселона” раҳбариятига ёқмаяпти.

“Барселона” бу хатти-ҳараатларга жавобан, ўйин вақтидаги танаффусларда телевидение вакиллари билан ҳамкорлик қилишни тўхтатиши мумкин.