"Барселона" жароҳатдан боши чиқмаётган футболчиси билан янги шартнома имзолайди

"Барселона" футболчиси Усман Дембеле каталонияликлар сафини тарк этиш ҳақида ўйламаяпти, дея хабар бермоқда "Diario Sport".

Манбанинг маълум қилишича, Дембеле "Барса" билан янги шартнома имзоламоқчи. Ярим ҳимоячининг "кўк-анорранглилар" билан амалдаги келишуви 2022 йилнинг ёзига қадар мўлжалланган. 

Эслатиб ўтамиз, Дембеле 2017 йил "Боруссия"дан "Барселона"га кўчиб ўтганди. Ўшанда Каталония клуби Усман трансфери учун 105 миллион евро сарфлаган эди.

2020/21 йилги мавсумда футболчи 30та ўйинда майдонга тушиб, 6та гол урган ҳамда 3та голга ассистентлик қилган.