"Барселона" Лаутаро Мартинесга 5 та муқобил топиб қўйди

"Барселона" клуби "Интер" форварди Лаутаро Мартинесни қўлга кирита олмаган тақдирда, сотиб олинадиган бошқа ҳужумчилар рўйхатини тузиб чиқди.

Mundo Deportivo нашрининг ёзишича, “кўк-анор ранглилар” аргентиналик футболчига 5 та муқобил топиб қўйган. Гап Тимо Вернер ("РБ Лейпциг"), Александр Исак ("Реал Сосьедад"), Тэмми Абрахам ("Челси"), Жонатан Дэвид ("Гент") ва Виктор Осимхен ("Лилль") ҳақида кетмоқда.

Айтиш керакки, “Интер” Мартинес учун 111 млн евро талаб қилмоқда. Инқироз пайтида эса “Барса” бундай қиммат футболчи сотиб ололмаслиги мумкин.