"Барселона" Левандовскига нарх белгилади

"Барселона" ҳужумчи Роберт Левандовскига нарх белгилади. 

"Managing Barca" нашрининг хабарига кўра, каталонияликлар Робертни 20 миллион еврога қўйиб юборишга тайёр. Футболчининг "кўк-анорранглилар" билан амалдаги шартномаси 2026 йилнинг июнига қадар мўлжалланган. 

Аввалроқ, ҳужумчининг агенти Лева "Барса"да бахтли эканлиги ва жамоани тарк этишни режалаштирмаётгани ҳақида айтганди. Жорий мавсум 35 ёшли форвард 21 та ўйинда майдонга тушиб, 9 та гол урди ҳамда 5 та голга ассистентлик қилди.