"Барселона" "Манчестер Сити"га ўзаро футболчи алмаштиришни таклиф қилмоқда

"Манчестер Сити" клуби ҳимоячиси Жоау Канселу фаолиятини "Барселона"да давом эттириши мумкин. Бу ҳақда The Telegraph нашри хабар тарқатмоқда.

Юқоридаги манбага кўра, “кўк-анор ранглилар” Канселу эвазига “шаҳарликлар”га бошқа бир португалиялик ҳимоячи - Нелсон Семедуни беришга тайёр.

25 ёшли Канселу жорий мавсум “Манчестер Сити” сафида 24 та ўйинда майдонга тушди ва 1 та гол ҳамда 1 та голли узатмага муаллифлик қилишга эришди. 26 ёшли Семеду эса “Барселона”да 29 та ўйинда майдонга тушди.