“Барселона” мухлислари учун хушхабар!
"Барселона" президенти Жоан Лапорта ярим ҳимоячи Гави билан шартномани узайтириш бўйича музокараларнинг бориши ҳақида гапирди.
“Музокаралар жуда яхши кетмоқда. Гави ва унинг агенти билан келишув ижобий якунланганидан мамнунман. Тез орада буни эълон қиламиз”, - дея Лапортанинг сўзларини келтирган журналист Фабрицио Романо.
2021/22 йилги мавсумда Гави “Барселона”нинг барча мусобақалар доирасидаги 47 та ўйинда майдонга тушиб, 2 та гол ва 6 та голли узатма муаллифига айланди. Футболчининг каталонияликлар билан амалдаги шартномаси 2023 йилнинг июнь ойи охиригача амал қилади.
Аввалроқ испан клуби 17 ёшли футболчига 5 йиллик шартнома таклиф қилгани хабар қилинганди.
Фикрлар