"Барселона" мухлислари Хавининг келажагини ҳал қилишди

"AS" нашри журналистлари каталониялик "Барселона" клуби мухлислари ўртасида сўровнома ўтказди. Мухлислардан Хави Эрнандеснинг жамоа бош мураббийлигидан кетиши мумкинлиги ҳақида сўралди.

Сўров натижаларига кўра, респондентларнинг 69,7 фоизи мураббий "кўк-анорранглилар" бошқарувида қолиши керак, деб жавоб берди. Қолганлар мутахассисни ишдан бўшатишни қўллаб-қувватладилар.

"Барселона" "Манчестер Юнайтед"га умумий ҳисобда 4:3 ҳисобида мағлуб бўлиб, Европа лигасидан чиқиб кетди.

Хави 2021 йилнинг ноябрида "Барса" бош мураббийи лавозимини эгаллаганди. Испаниялик мутахассиснинг меҳнат шартномаси муддати 2024 йил июлигача амал қилади.