"Barselona" muxlislari Xavining kelajagini hal qilishdi

"AS" nashri jurnalistlari kataloniyalik "Barselona" klubi muxlislari o‘rtasida so‘rovnoma o‘tkazdi. Muxlislardan Xavi Ernandesning jamoa bosh murabbiyligidan ketishi mumkinligi haqida so‘raldi.

So‘rov natijalariga ko‘ra, respondentlarning 69,7 foizi murabbiy "ko‘k-anorranglilar" boshqaruvida qolishi kerak, deb javob berdi. Qolganlar mutaxassisni ishdan bo‘shatishni qo‘llab-quvvatladilar.

"Barselona" "Manchester Yunayted"ga umumiy hisobda 4:3 hisobida mag‘lub bo‘lib, Evropa ligasidan chiqib ketdi.

Xavi 2021 yilning noyabrida "Barsa" bosh murabbiyi lavozimini egallagandi. Ispaniyalik mutaxassisning mehnat shartnomasi muddati 2024 yil iyuligacha amal qiladi.