"Барселона" МЮ футболчисини нишонга олди

"Барселона" "Манчестер Юнайтед" ҳимоячиси Лисандро Мартинесни ўз сафига қўшиб олишни режалаштирмоқда. Бу ҳақда "Fichajes" нашри маълум қилди.

Манбада берилган маълумотга кўра, каталония клуби Лисандро билан ҳимоя чизиғини кучайтиришни мақсад қилган. Лекин испан гранди ҳали футболчи учун расмий таклиф юбормаган. 

28 ёшли футболчининг айни вақтда "трансфермаркт" порталидаги нархи 35 миллион еврони ташкил этади. Унинг клуб билан амалдаги шартномаси 2027 йилнинг ёзигача мўлжалланган.

Эслатиб ўтамиз, аргентиналик ҳимоячи 2022 йилда 57 миллион евро эвазига "Аякс"дан МЮ сафига келиб қўшилган эди. Шу давр мобайнида футболчи 103 та учрашувда майдонга тушиб, 3 та гол ва 3 та голли узатмани ўз номига ёздириб қўйган.