"Барселона" Неймар трансферидан воз кечди

Каталониянинг "Барселона" клуби бразилиялик ҳужумчи Неймарни "Камп Ноу"га қайтаришдан бош тортди.

"Mundo Deportivo" нашри "кўк-анорранглилар"нинг бу қарори сабаби ҳақида хабар берди.

Манба берган хабарга кўра, Испания чемпионлари 31 ёшли юлдузни қўлга киритиш молиявий жиҳатдан имконсиз деб топди. Бундан ташқари, жамоанинг кийим алмаштириш хонасидаги муҳит бузилишига ҳам олиб келиши мумкин, деган қарорга келган.

Неймар 2013 йилдан 2017 йилгача "Барселона" шарафини ҳимоя қилган. Шундан сўнг 222 миллион евро эвазига ПСЖга ўтган эди. Бу ҳалигача футбол тарихидаги энг қиммат трансфер бўлиб турибди.