"Барселона" Неймарни қўлга киритиш стратегиясини ўзгартирди

“Барселона” раҳбарияти ҳамон ПСЖдаги собиқ ҳужумчи Неймарни ортга қайтаришдан умидини узмаяпти. Бу ҳақда Diario Sport нашри маълум қилди.

Юқоридаги манбага кўра, каталонияликлар дастлаб, "Интер" форварди Лаутаро Мартинес ва "Ювентус" хавбеки Миралем Пьяничнинг трансферларини ҳал қилиб олмоқчи. Сўнгра, “Барселона” таркибдаги бир қатор футболчиларини сотиб, 30 июнгача 100 миллион евро ишлаб олмоқчи.

Бундан аввалроқ, ПСЖ Неймарни 180 млн евродан камига қўйиб юбормаслигини маълум қилган эди. Аммо, “кўк-анор ранглилар” ушбу нархни туширишга уруниб кўрмоқчи.

Эслатиб ўтамиз, “Барселона” Неймарни 2017 йил 222 млн евро эвазига ПСЖга сотиб юборган эди.