"Барселона" ўз мақсадига эришиш учун пул топа олмаяпти

Каталониянинг "Барселона" клуби "Интер" форварди Лаутаро Мартинесни сотиб олиш учун маблағ топишга қийналяпти.

Sky Sport Italia нашрига кўра, “нерадзуррилар” аргентиналик футболчини унинг шартномасида кўрсатиб ўтилган 111 миллион евролик товон пулидан камига қўйиб юборишмоқчи эмас. Пандемия даврида келиб чиққан инқироз туфайли “кўк-анор ранглилар” бунча маблағни тўлай олишмайди. Шу боис “Барса” раҳбарияти Мартинеснинг нархини туширишга ёки унинг трансферига бирор бир футболчисини қўшишга уринмоқда.

Лаутаронинг “Интер” билан амалдаги шартномаси 2023 йилга қадар имзоланган.