"Барселона" ўз тарбияланувчисини "Сити"дан қайтариб олмоқчи

“Манчестер Сити” ҳимоячиси Эрик Гарсия ҳамон “Барселона”нинг диққат марказида бўлиб турибди. Каталонияликлар тез орада 19 ёшли испаниялик футболчининг трансферини муҳокама қилиш бўйича “шаҳарликлар” билан алоқага чиқади.

Mundo Deportivo нашрининг ёзишича, “Сити” Гарсиянинг трансферидан 25 млн евро ишлаб олишни режалаштирмоқда.

Гарсия асли “Барселона” тарбияланувчиси ҳисобланади. У ўтган мавсум АПЛда 13 та ўйинда майдонга тушди. Унинг “Манчестер Сити” билан амалдаги шартномаси 2021 йилга қадари имзоланган.