"Барселона" қизиқиш билдирган Жаҳон чемпиони фаолиятини Францияда давом эттиради

"Интер"нинг франциялик ҳимоячиси Бенжамин Павар фаолиятини "Марсель"да давом эттириши мумкин.

Инсайдер Маттео Мореттонинг хабар беришича, клублар оғзаки келишувга эришган. Футболчи 15 миллион еврога сотиб олиш имконияти билан ижара асосида Франция чемпионатига йўл олади.

Италияликлар "Марсель"нинг дастлабки таклифларини рад этган бўлса-да, томонлар якунда муросага келишди.

Аввалроқ, ҳимоячига испаниянинг "Барселона" кклуби ҳам қизиқиш билдиргани ҳақида хабар берган эдик.

Transfermarkt маълумотларига кўра, Паварнинг қиймати 25 миллион еврони ташкил этади. Футболчи 2023 йилнинг ёзида Мюнхеннинг "Бавария" жамоасидан Италияга кўчиб ўтган эди.