«Барселона» «Реал»нинг Альваресга таклиф киритишини билган эди

Мадриднинг «Реал» клуби «Атлетико» ҳужумчиси Хулиан Альваресни ўз сафига қўшиб олишга уриниб кўрди.

Бироқ «матрасники» рақиб клубни кучайтиришни истамади ва аргентиналик форвард учун 150 миллион евро таклифини ҳам рад этди. Mundo Deportivo нашри ёзишича, «Барселона» раҳбарияти олдинданоқ «Реал» Альварес бўйича жиддий қадам қўйишини билган.

Флорентино Перес 150 миллион евро таклиф қилиш нияти борлигини айтгани заҳотиёқ, Каталония клубида гап айнан шу ҳужумчи ҳақида кетаётгани англашилган.

Шу тариқа «Реал»нинг ҳаракати «Барселона» режаларини қийинлаштирди, чунки каталонияликлар бундай миқдорда маблағ сарфлашга ҳозирча тайёр эмас.
 

Transfermarkt портали маълумотларига кўра, Хулиан Альвареснинг бозор қиймати 100 миллион еврони ташкил этади. 26 ёшли футболчининг «Атлетико» билан амалдаги шартномаси 2030 йилгача мўлжалланган.