"Барселона" Семеду ва яна бир футболчи билан хайрлашмоқчи

"Барселона" Нельсон Семедуни сотиб юбормоқчи.

Маълум бўлишича, Эрик Абидаль Семедуга янги клуб қидиришни бошлаган. Бундан ташқари, каталонияликлар жамоанинг заҳира таркибидан, асосий жамоага ўтказилган Мусса Ваге билан ҳам хайрлашишни исташмоқда.

Маълумот учун, Семеду Ла Лиганинг жорий мавсумида 14 та баҳс ўтказиб, 3 та ассистентлик қилди. Ваге эса 1 тагина беллашувда майдонга туширилди.