"Барселона" собиқ футболчиси Мессининг ҳарактери ҳақида гапирди

2018/19 йилги мавсумда “Барселона” сафида тўп тепган ҳужумкор ярим ҳимоячи Кевин-Принц Боатенг Мессининг характери ҳақида гапирди.

 “Месси, у жуда ҳам босиқ футболчи. У доим жим, фақатгина майдонда оёқлари билан гапиради. Мен унинг бу характерини жуда ҳурмат қиламан.”

Шунингдек, у интервью жараёнида, Месси билан муносабатлари яхши бўлгани ва аргентиналик ҳужумчи унга кўп жабҳаларда ёрдам берганини таъкидлади. Кевин-Принц Мессини нафақат футболчи сифатида, балки инсонийлик жиҳатидан ҳам етук шахс эканлиги ҳақида гапирди. 

 “Месси яна беш йил футбол ўйнай олади. Агар фаолиятини “Барселона”да тугатадиган бўлса, менинг фикримча, эртак мантиқан идеал тугайди”,- деди собиқ футболчи. 

Маълумот ўрнида, Кевин-Принц Боатенг 2018/19 йилги мавсумда “каталонияликлар” сафида 5 та ўйинда майдонда ҳаракат қилган.