"Барселона" таркибида яна бир йўқотиш

"Барселона" футболчиси Ансу Фати машғулотлар пайтида тиззасидан жароҳат олди. Вингер қачон сафга қайтиши аниқ эмас, лекин миш-мишларга кўра, у катта эҳтимол билан яқинлашаётган "эл-классико"ни ўтказиб юборади.

Фати сўнгги йилларда кўп сафдан чиқадиган футболчига айланиб қолди. Бу унинг даражасини пасайишига ҳам сабаб бўлмоқда. 20 ёшли испан ушбу мавсум жамоаси сафида 34 та ўйинда майдонга тушиб, 6 та гол урди ва 3 та ассист амалга оширди.

"Барса" сафида йўқотишлар етарли. Айни дамда Педри ва Дембеледек муҳим ўйинчилар клубга ёрдам бера олмаяпти.