"Барселона" Уильямс билан келишиб олди

"Барселона" ва Нико Уильямс шахсий шартнома шартларини келишиб олди. Бу ҳақда журналист Санти Ауна хабар берди.

Манбанинг маълум қилишича, каталонияликлар Нико билан дастлабки келишувга эришган.

Шартнома 2031 йилнинг июнигача мўлжалланган бўлиб, вингернинг солиқлар тўловларисиз маоши йилига 12 миллион еврони ташкил этади.

Аввалроқ, "Атлетик" клуби футболчининг тўлиқ товон пулини бир йўла, яъни 62 миллион еврони тўлашни талаб қилиши ҳақида маълумотлар тарқалган эди.