"Барселона" Умтитининг нархини эълон қилди

Каталониянинг "Барселона" клуби раҳбарияти жорий ёзги трансферлар даврида ҳимоячи Самюэль Умтитини сотиб юборишга тайёр. Бу ҳақда Sport.es нашри хабар тарқатмоқда.

Юқоридаги манбаага кўра “кўк-анор ранглилар” 25 ёшли франциялик футболчини 50 миллион еврога баҳолашмоқда.

Эслатиб ўтамиз, бундан аввалроқ Умтитига "Ювентус", "Арсенал" ва "Манчестер Юнайтед" каби жамоалардан қизиқишлар бўлаётгани ҳақида хабарлар тарқалган эди. Бироқ, футболчи бир неча бор “Барселона”да қолмоқчи эканлигини ҳам айтган эди.

Маълумот учун, Умтити ўтган мавсум Ла Лигада 14та ўйинда майдонга тушди ва ўз ҳисобига 1та гол ҳамда 1та голли узатма ёздириб қўйишга эришди. Унинг клуб билан амалдаги шартномаси 2022 йилга қадар имзоланган.

Фикрлар

Фикр қолдириш учун авторизациядан ўтинг!