"Барселона" уй ўйинларида очко йўқотмаган ягона жамоа бўлиб турибди

Европанинг саккизта етакчи чемпионати орасида фақат битта жамоа ўз майдонида бирорта ҳам очко йўқотмади.

Бу натижага "Барселона" эришди. Бу ҳақда испан нашри маълум қилди. Каталонияликлар Испания чемпионати доирасида ўз майдонида ўтказган 11 та учрашувнинг барчасида ғалаба қозонган.

Испания, Англия, Германия, Франция, Италия, Португалия, Нидерландия ва Бельгия олий дивизионларида иштирок этаётган қолган барча жамоалар эса камида бир марта дуранг ўйнаган ёки мағлуб бўлган.

Каталонияликлар навбатдаги уй учрашувини 22 февраль куни ўтказади. Унда "Леванте" жамоаси меҳмон бўлади.