"Барселона" ва "Арсенал" бразилиялик ҳужумчи учун рақобатлашади

Бразилиянинг "Интернасьонал" клуби ҳужумчиси Юри Алберто фаолиятини Англия ёки Испания чемпионатида давом эттириши мумкин.

Globo Esporte нашри тарқатган хабарга кўра, 20 ёшли бразилиялик футболчига «Арсенал» ва «Барселона» жиддий қизиқиш билдирмоқда.Ушбу трансфер камида 15 миллион еврога тушиши айтилмоқда.

Юри Алберто “Интернасьонал” сафида 2020 йилдан буён ўйнаб келмоқда. У ўтган давр мобайди жами 49 та ўйинда майдонга тушди ва ўз ҳисобига 17 та гол ҳамда 2 та голли узатма ёздириб қўйди.

Алберто Бразилия U-23 терма жамоаси аъзоси ҳисобланади.