“Барселона” ва “Арсенал” суперрокировкага тайёр

“Барселона” ва “Арсенал” жамоада ўз ўрнини топа олмаётган футболчиларни алмаштириш бўйича иш олиб бормоқда. Бу таклиф лондонликлардан чиқди.

“Арсенал” раҳбарияти 72 миллион фунт эвазига олиб келинган Николя Пепе ўйинидан умуман қониқмаяпти. Ундан мураббийлар штаби ҳам норози. Бу футболчи бир ярим йил мобайнида мухлислар меҳрини  ҳам қозона олгани йўқ.

Шу боис, “канонирлар” Пепени “Барселона”га таклиф қилмоқда. Улар Пепени каталонияликлар сафидаги фаолияти ёрқин тус олмаган Усмон Дембелега алмаштирмоқчи.

Бу рокировка қишки трансферлар вақтида амалга оширилиши кутилмоқда.