“Барселона” ва “Атлетико” жаҳон чемпионига жиддий қизиқишмоқда

"Барселона" ва Мадриднинг "Атлетико" клублари "Тоттенхэм" марказий ҳимоячиси ва сардори Кристиан Ромерога қизиқиш билдирмоқда. Аргентиналик футболчи Лондон клубини тарк этишга тайёр. Бу ҳақда TEAMtalk хабар бермоқда.

Манбага кўра, 27 ёшли футболчи фаолиятини Чемпионлар лигасида мунтазам ўйнайдиган жамоада давом эттирмоқчи. Таъкидланишича, Ромеронинг хариди манфаатдор клубларга 70-80 млн фунтга (80-90 млн евро) тушиши мумкин.

Жорий мавсумда Ромеро барча мусобақаларда 27 та ўйинда майдонга тушиб, 6 та гол ва 4 та голли узатмага муаллифлик қилди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 60 млн еврони ташкил этади.