"Барселона" Видални "Интер"га қанчага сотмоқчи?

"Барселона" ярим ҳимоячиси Артуро Видаль катта эҳтимол билан фаолиятини "Интер"да давом эттиради. Бу ҳақда La Gazzetta dello Sport нашри хабар бермоқда.

Юқоридаги манбаага кўра “нерадзуррилар” устози Антонио Конте жамоа таркибини кучайтириш ниятида. Шу боис чилилик футболчи Милан клубига жорий қишки трансферлар пайтидаёқ кўчиб ўтиши мумкин.

Ўз навбатида Видаль ҳам “Интер”га ўтишга қарши эмас. “Барселона” эса унинг трансферини 20 млн еврога баҳоламоқда.

Маълумот учун, Видаль жорий мавсум “Барселона” сафида 12 та ўйинда иштирок этди ва 4 та гол уришга эришди.