"Барселона" вингери жамоани тарк этиши мумкин

"Барселона" ярим ҳимоячиси Абде Эззазули "Севилья"га ўтиши мумкин. 

"Relevo" нашри хабарига кўра, "Севилья" Абдени "Фулхэм"га ўтиши кутилаётган Лукас Окампоснинг ўрнига олиб келмоқчи. Ўз навбатида марокашлик вингер кўпроқ ўйин амалиётига эга бўлиш учун "Барселона"ни тарк этмоқчи. 

Қайд этилишича, Абде ва нинг атрофидагилар футболчининг ижарага кетишини хоҳламоқда. "Барселона" эса футболчини сотиш ниятида. Ушбу трансфер клубнинг молиявий ҳолатини яхшилашга хизмат қилади.