“Барселона” янги мураббий билан уч йиллик шартномага келишди
Нидерландия терма жамоасини бошқараётган Рональд Куман “Барселона” билан уч йиллик шартнома тузадиган бўлди.
Каталония клуби янги бош мураббийни расман шу ҳафтада таништиришни режалаштирмоқда. “Барселона” учун муваффақиятсиз якунланган мавсумдан сўнг клуб президанти Хосеп Бартомеу бош мураббий Кике Сетьенни истеъфога чиқарганини маълум қилганди. Клубда бу лавозимга Рональд Кумандан мос номзод йўқлигини таъкидлашмоқда.
Куманнинг ўзи 1989-1995 йиллар давомида “Барселона” таркибда тўп сурган ва 1998-2000 йилларда мураббийлар штабида бош мураббий ассистенти лавозимида иш юритган.
Фикрлар