“Барселона” январда олинадиган футболчилар номини эълон қилди

Европада қишки трансферлар ойнаси ёпилишига бир неча кун қолди. Шунга қарамай, “Барселона” иккита футболчини қўлга киритмоқчи.

Diario Sport нашрининг маълум қилишича, Хави ўз жамоасида “Атлетико”га тегишли бўлган лекин айни пайтда “Ювентус” шарафини ҳимоя қилаётган ҳужумчи Альваро Мората ва “Аякс” ҳимоячиси Николас Тальяфикони қўшиб олишни мўлжаллаяпти.

“Барселона”га бу икки трансферни амалга ошириш осон бўлмайди. Массимилиано Аллегри “ювентус”да ҳужумчилар танқислиги кузатилаётгани боис Моратанинг кетишига рухсат бермаяпти.

Ўз навбатида, “Аякс” ҳам аргентиналик ҳимоячисини Каталонияга ижарага жўнатишдан бош тортди. Ҳозир, Тальяфиконинг ўзи клуб хўжайинларини уни Испанияга қўйиб юборишга кўндириш билан банд.