"Барселона" Япониядаги ўйинни бекор қилди, Жанубий Кореядаги баҳслар ҳам хавф остида

"Барселона" клуби Осиё сафари доирасида 27 июль куни Япониянинг "Виссел Кобе" жамоасига қарши ўтказилиши керак бўлган ўйинни бекор қилганини расман маълум қилди.

Каталонияликлар ушбу қарорга келишларига ташкилотчи томонидан шартнома қоидаларининг жиддий бузилиши сабаб, бўлганини маълум қилган.

Шунингдек, клуб Жанубий Кореядаги режалаштирилган ўйинлар тақвими ҳам қайта кўриб чиқилиши мумкинлигини таъкидлади. Бунинг учун ташкилотчилар ўз зиммасига олган муайян мажбуриятларни бажариши лозим.

Айни вақтда "Барселона" 31 июль куни "Сеул" ва 4 август куни "Тэгу" жамоаларига қарши баҳслар ўтказишни режалаштирган.