"Барселона" ёш иқтидор эгасини сотиб олади

Руни Бардежининг "Барселона"га ўтиш шартлари маълум бўлди.

Аввалроқ, инсайдер Фабрицио Романо каталонияликлар "Копенгаген"нинг 19 ёшли қанот ҳужумчиси трансферини якунлашга яқин эканини хабар қилган эди.

Клублар келишувни келгуси ҳафта, июль ойи бошида амалга оширишни режалаштирмоқда. "Барса" футболчини 2,5 миллион еврога сотиб олади, данияликлар эса қайта сотиш суммасининг 15 фоизини олиш ҳуқуқини сақлаб қолади.

Ўтган йилги мавсумда Бардежи Дания олий лигасида тиззасидаги хочсимон пайнинг узилиши туфайли атиги 5 та ўйин ўтказди, 2023/24 йилги мавсумда эса 23 та ўйин ўтказиб, 7 та гол урди.