“Barselona”da katta yo‘qotish

“Barselona” tarbiyalagan eng iqtidorli o‘yinchi Ansu Fati yana uzoq muddat safdan chiqdi. Avvalgi jarohatini qariyb bir yil davolagan yosh futbolchi maydonga qaytganiga hali ko‘p bo‘lgani yo‘q. Biroq u Ispaniya kubogi doirasida “Atletik” jamoasiga qarshi o‘yinda yana qattiq shikastlandi.

Tibbiyot xodimlari futbolchining mushaklari bilan bog‘liq muammolarni to‘liq bartaraf etish uchun uni operatsiya qilish lozimligini ta’kidlamoqda.

Bu borada yakuniy qaror futbolchining o‘zi va ota-onas bilan suhbatdan keyin qabul qilinadi.

Ansu Fati joriy mavsumda barcha turnirlarda o‘n marotaba maydonga tushib, raqiblar darvozasini besh marotaba ishg‘ol qildi va bitta golli pas oshirdi.