"Барселона"да вазият яхши эмас. Мураббий футболчилар билан кескин муносабатдами?

"Барселона" бош мураббийи Ханс-Дитер Флик "Бетис" билан дурангдан сўнг футболчиларига ғазаб билан мурожаат қилди.

"AS" нашрининг хабар беришича, мураббий кийиниш хонасида кескин сўзлар билан жамоага мурожаат қилган: "Биз юз фоиз куч билан ўйнамас эканмиз ғалаба қозона олмаймиз."

Шунингдек, Флик ўйинчиларни вазиятни иложи борича тезроқ ўзгартиришга ундади.

Таъкидланишича, футболчилар ўйиндан сўнг руҳан тушкунликка тушишган. Бу ҳолат "Реал"нинг "Жирона" устидан 3:0 ҳисобидаги ғалабасидан сўнг янада кучайди.

Маълумот учун, "Барселона" 17 ўйинда 38 очко тўплаб, Ла Лигада пешқадамлик қилмоқда. "Реал" 2 очко орқада, "Атлетико" эса 16 ўйинда 35 очкога эга.