“Барселона”да ёш вундеркиндларни қандай “синдиришади”?

“Барселона” академияси тарбияланувчиси Жерар Деулофеу академияда ўзини кўрсатган ёшлар қандай қилиб, катта футболда синиб қолаётганига изоҳ берди.

- Сен ёш бўла туриб “Барселона”да тўп сурган, ҳамма сенга янги “Месси”, янги “Иньеста” сифатида қарай бошлайди ва юлдуз даражасида кўради. Натижада ёш футболчи бу босимни енголмайди. Мен “Барселона”да тарбияланганимдан мамнунман. Лекин асосий жамоада ўйнаб кетолмаганимни ҳамма билади.  Иккинчи жамоада яхши ўйнайсан ва асосий таркибга ўтганидан кейин у ерда Месси каби зўр ўйинчилар борлигини тушиниб етасан. Ана ўшанда ўтириб ўз вақтингни кутишинг ёки бошқа ерга кетишинг ҳақида қарор қилишга мажбур бўласан, - деди истеъдодли футболчи.

Айни пайтда Жерар Деулофеу Англия чемпионатида “Уотфорд” шарафини ҳимоя қилмоқда.