“Barselona”ni qo‘lga olishga bel bog‘lagan futbolchi Angliya grandlari taklifini rad etdi

Joriy mavsumni ijara asosida “Betis”da o‘tkazayotgan “Barselona” yarim himoyachisi Karles Alenya kataloniyaliklarning muhim o‘yinchisiga aylanishga bel bog‘ladi.

Iste’dodli futbolchi ana shu maqsadda Angliya grandlari taklifini rad etdi.

Mashhur agent Jorje Mendesh “Barselona” futbolchisiga yangi taklif topgan edi. Unga ko‘ra, transferga 25 million evro va futbolchining o‘ziga katta miqdorda maosh va’da qilingan.

Bu taklif Alenyaning agenti Ivan de la Penyaga etkazildi. Futbolchi taklifni rad etdi.