"Барселона"нинг 3 нафар футболчиси "Севилья"га қарши марказий баҳсни ўтказиб юборади

"Барселона" клуби мураббийлар штаби Ла Лиганинг 30-туридан ўрин олган "Севилья"га қарши меҳмондаги баҳс учун жамоа қайдномасини эълон қилди.

Аммо, ҳимоячи Самюэль Умтити ва ярим ҳимоячилар Серхи Роберто ҳамда Френки де Йонг ушбу қайдномага киритилмади. Франциялик футболчи дисквалификация туфайли, испаниялик ва голландиялик футболчилар эса жароҳати сабаб бу турни ўтказиб юборади.

Эслатиб ўтамиз, "Севилья" - "Барселона" учрашуви 19 июнь куни Тошкент вақти билан соат 01:00 да бошланади.