"Барселона"нинг асосий ҳимоячиси узоқ муддатга сафдан чиқди

Каталониянинг “Барселона” клуби ўзининг расмий сайтида ҳимоячи Нелсон Семедунинг жароҳати борасида хабар қилди.

Юқоридаги манбаага кўра 25 ёшли футболчи кеча бўлиб ўтган “Сельта”га (4:1) қарши баҳсда тўпиғидан жароҳат олган. Шифокорлар эса унинг соғайиши учун тахминан 5 ҳафта кераклигини айтишмоқда.

Маълумот учун, Семеду жорий мавсум “Барселона” сафида 16 та ўйинда майдонга тушди ва ўз ҳисобига 3 та ассист ёздириб қўйди.