"Barselona"ning ishqi "Sassuolo" futbolchisiga tushdi

"Sassuolo" klubi vingeri Jeremi Boga faoliyatini Ispaniya La Ligasida davom ettirishi mumkin.

Tribal Football nashri tarqatgan xabarga ko‘ra, 23 yoshli ivuarlik futbolchiga "Barselona"dan qiziqishlar paydo bo‘la boshlagan. Kataloniyaliklarning fikricha, uning o‘yini jamoaning o‘yin uslubiga mos tushadi. Qolaversa, “Barsa”ga Boga haqida faqatgina ijobiy fikrlar kelib tushgan.

Boga joriy mavsum 25 ta o‘yinda maydonga tushdi va o‘z hisobiga 8 ta gol hamda 4 ta golli uzatma yozdirib qo‘yishga erishdi.