"Барселона"нинг муҳим футболчиси "Бавария"га қарши ўйнамайди

Diario Sport хабар беришича, "Барселона" ҳужумкор ярим ҳимоячиси Дани Ольмо Чемпионлар лигаси 3-туридан ўрин олган "Бавария"га қарши учрашувда майдонга тушмайди.

Манбада ёзилишича, клуб футболчининг жароҳати қайталанишидан ҳавотирда. Эндигина сафга қайтган футболчи "Севилья"га қарши майдонга ҳам тушмаган. Шу сабабли испаниялик футболчи "Бавария"га қарши майдонга тушмайди. Мазкур баҳс тошкент вақти билан 23-октябр 23:59 да бошланади.

Жорий мавсум Ла Лигада 26 ёшли ярим ҳимоячи 3 та учрашувда 3 та гол уришни уддалади.