"Барселона"нинг муҳим футболчиси "Реал"га қарши ўйнамайди

Рафинья "Барселона"га Испания Суперкубоги доирасидаги "Реал"га қарши беллашувда ёрдам бера олмайди. 

Кеча бўлиб ўтган Испания Суперкубоги ярим финали доирасидаги "Осасуна"га қарши учрашувнинг 42-дақиқасида бразилиялик сонидан жароҳат олган. 

Каталония клубининг маълум қилишича, унинг сон мушаклари шикастлангани аниқланган. Унинг 14 январь куни бўлиб ўтадиган "Реал"га қарши беллашувда ўйнамаслиги аниқ. Футболчининг ўрни учун Ферран ҳамда Ямал кураш олиб боради.