"Барселона"нинг янги бош мураббийи Месси ҳақида нималар деди?

"Барселона"нинг янги бош мураббийи Рональд Куман каталонияликлар етакчиси Лионель Месси ҳақида ўз фикрини билдириб ўтди.

“Мен Мессини кўндириш масаласида у билан гаплашаманми, йўқми буни билмайман. У – дунёнинг энг яхши футболчиси ва сиз ҳамиша жамоангизда энг зўр футболчилар ўйнашини хоҳлайсиз. Шахсан мен Месси билан бажонидил ишлаган бўлардим. У клубга ғалабалар олиб келади. Агар у жамоада қолишга қарор қилса, мен бундан жуда ҳам хурсанд бўлган бўлардим”, - дейди голландиялик мутахассис.

“Барселона”да юзага келган инқироздан сўнг Месси жамоадан кетиши ҳақида жуда кўп хабарлар чоп этилмоқда. Унинг клуб билан амалдаги шартномаси эса яна бир йилдан сўнг ўз ниҳоясига етади.