Бартомеу танқидларни юмшатиш учун Неймарни "Барселона"га қайтаришга яна уриниб кўрмоқчи
“Барселона”да яна ПСЖ ҳужумчиси Неймарни жамоага қайтариш фикри пайдо бўлди.
Diario Sport нашрининг ёзишича, каталонияликлар президенти Жозеп Бартомеу клубнинг трансфер режаларини ўзгартиришга қарор қилди. У зудлик билан ён атрофида ўзига нисбатан бўлаётган танқидий фикрларни ўзгартирмоқчи.
Бундан бир ой муқаддам, “кўк-анор ранглилар” ПСЖ жуда катта нарх белгилагани учун бразилиялик футболчининг трансферидан воз кечишган ва унинг ўрнига “Интер”дан Лаутаро Мартинесни сотиб олишга қарор қилишганди. Ҳозир эса, “Барса” Неймар борасида парижликларнинг фикрини ўзгартиришга уринмоқда. Бунинг учун эса, Гризманн ва унга қўшимча 50-60 млн евро пул таклиф қилишмоқчи. Амм барчаси футболчининг қарорига боғлиқ. Агар Неймар “Камп Ноу”га қайтишга рози бўлса, масала тезда ҳал бўлади.
Бартомеунинг фикрича, Неймарнинг қайтиши “Барселона” мухлисларининг фикрини ўзгартира олади.
Фикрлар