"Бавария" 6 та гол урилган баҳсда аутсайдер билан жанговар дуранг қайд этди!
Германия Бундеслигаси 21-туридан ўрин олган "Бавария" - "Арминия" учрашуви ўз ниҳоясига етди. Ўта қизғин ҳамда голларга бой ўтган баҳс 3:3 ҳисобидаги жанговар дуранг билан якунланди.
Дастлаб, "Арминия" 2 та гол уриб, ҳисобда олдинга ўтиб олган бўлса, 2-бўлим бошида Левандовскининг голи эвазига мюнхенликлар ҳисобни қисқартиришди. Шу заҳоти 3-голни ўтказиб юбориб, шокка тушган "қизиллар" бутун ўйин назоратини қўлга олиб, яна 2 та гол уришга муваффақ бўлди. Толиссо ва Дэвиснинг голлари ҳисобдаги мувозанатни тиклади.
Шу тариқа, пешқадам "Бавария" дуранг туфайли 1 очкони қўлга киритди ҳамда умумий очколарини 49 тага етказиб олди. 2-ўриндаги "Лейпциг"да эса 44 очко бор. "Арминия" айни дамда 18 очко билан 16-ўринда бормоқда.
- 90+4'
Учрашув якунланди! "Бавария" қийин ўйинда ҳам очко қўлга киритди. Матнли трансляцияда сиз билан Абдулла Маннонов бўлди. Эътиборингиз учун раҳмат!
- 90+'
Учрашувга 3 дақиқа вақт қўшиб берилди.
- 90'
Дарвозага йўлланган жами зарбалар статистикаси: 10-4!
- 89'
"Арминия"да ўзгариш: Фабиан Клос ўрнига ван дер Хорн ўйинга қўшилди.
- 89'
Киммих тўпни боши билан ичкарига етказиб берди, ҳимоячилар яхши ўйнади.
- 88'
Левандовскига нисбатан ўйин қоидаси бузилди. "Бавария" жарима зарбасини ижро этади.
- 83'
Фабиан Кунценинг узатмаси зарбага айланиб кетди, бироқ бу зарбага ҳам аниқлик етишмади. Тўп анча юқорилаб кетди.
- 81'
"Арминия" футболчиси Мануел Приетль ҳам сариқ карточка олди.
- 78'
Корентин Толиссо қоидабузарлиги учун сариқ карточка билан огоҳлантирилди.
- 75'
Лерой Сане бурчакдан тўпни ўйинга киритиб берди. Дарвозабон Штефан Ортега тезкорлик билан тўпни эгаллаб олди.
- 73'
Кордоба урган гол офсайд сабабли инобатга олинмади.
- 72'
Уххх! Левандовскининг супер зарбаси қайтарилди!
- 70'
ГООООООООООООООООООООООООЛЛЛ!!! Алфонсооо!!! Тўпни ичкарида қабул қилиб олган ҳимоячи шериклари сингари чапги бурчакни аниқ нишонга олиб, ҳисобни тенглаштирди! 3-3!
- 70'
Лерой Сане тўпни эгаллаб олиб, қарши ҳужумни бошлаб юборди.
- 68'
Нильс Зойферт бурчакдан тўпни ўйинга киритиб беради. "Бавария" ҳимояланмоқда.
- 66'
У ўйинни давом эттира олади.
- 65'
Меҳмонлар аъзоси Йоаким Нилссон майдонда шикастланган ҳолида ётибди. Тиббий ёрдам кўрсатилмоқда.
- 64'
"Арминия"да навбатдаги ўзгариш: Фольгзаммер ўрнига Зойферт ўйинга қўшилди.
- 63'
"Арминия"да ўзгариш: Мишел Влап ўрнига Серхио Кордоба ўйинга қўшилди.
- 62'
"Бавария" бурчак тўпидан хавфли вазият юзага келтира олмади.
- 61'
Кингсли Коман дарвозанинг тўққизлик бурчагига ажойиб зарба берди! Дарвозабондан даҳшатли сейв!
- 58'
"Бавария"да ўзгариш: Буна Сарр ўрнига Жошуа Киммих ўйиннни давом эттиради.
- 57'
ГООООООООООООООООООООЛЛЛ!!! Толиссо! Саненинг узатмасини иккинчи қаватда ҳаммадан баланд сакраган Корентин боши билан дарвозага жойлаб қўйди! Дарвозабон зарба олдида ожиз қолди.
- 56'
Кингсли Коман тўпни жарима майдончаси ичига етказиб берди, дарвозабон уни эгаллаб олди!
- 52'
Ўйин тенгма-тенг курашларга бой тарзда ўтмоқда. Ҳужумлар сони "Бавария"да кўп, бироқ иккала жамоада ҳам улар хавфли.
- 50'
ГООООООООООООООЛЛЛ!!! Кристиан Гебауэр ажойиб пасни қабул қилиб олди ва бўш қолган дарвозани осонгина ишғол қилди! 1-3! Нималар бўляпти!!!
- 49'
ГОООООООООООООООООЛЛЛ!!! "Бавария" ҳисобни қисқартирди! Алабанинг узатмасини Левандовски дарвозага жойлаб қўйди! 1-2!
- 46'
Иккинчи бўлим бошланди!
- 45'
Футболчилар майдонга қайтишмоқда. Биз ҳам қайтамиз.
- 45+5'
Биринчи бўлим якунланди! Танаффус.
- 45+5'
"Бавария" яна бир бор бурчак тўпини ижро этади.
- 45+3'
Бурчакдан узатилган тўпни ҳимоячилар қайтарди. Коман уни яна эгаллади.
- 45+3'
Толиссонинг узатмасини ҳимоячилар бурчакка чиқариб юборди.
- 45+1'
Команнинг зарбаси ҳимоячига тегиб йўналишини ўзгартирди.
- 45+'
Тўхталишлар сабаб биринчи бўлимга 5 дақиқа вақт қўшиб берилди.
- 44'
"Бавария" ҳужумда бир темпни ушлаб турибди. Барчаси назорат остида.
- 41'
"Арминия"да мажбурий ўзгариш: Рицу Доан ўрнига Кристиан Гебауэр ўйинга тушди. Футболчи жароҳат олган.
- 40'
"Арминия"нинг олдинга йўналтирилган узун пасли ҳужумлари ҳимоячиларнинг фаоллиги туфайли ўхшамаяпти.
- 39'
Меҳмонлар аъзоси Фабиан Кунца ўйин қоидасини бузди. Ҳакам жарима зарбаси белгилади. Хавфли вазият бўлиши мумкин.
- 38'
ГООООООООООООООООЛЛЛ!!! Тўп дарвозада! Нималар бўляпти?! "Арминия" футболчиси Амос Пипер бурчак узатмасидан сўнг боши билан тўпни дарвозага тўғирлаб юборди ва тўққизлик бурчакни ишғол қилди! 0-2! "Бавария" чарчаган шекилли...
- 37'
Қанотдан узатилган тўпни Алаба боши билан дарвозага тўғирлади, бироқ зарбага анча аниқлик етишмади.
- 35'
Бурчакдан тўп ўйинга киритиб берилди. Хавфли вазият содир бўлмади.
- 34'
Алаба Санени биргина паси билан олдинга чиқариб юбориши мумкин эди, бироқ Сане тўпга етиб бора олмади. Ҳимоячи фаолроқ ўйнади.
- 33'
Рицу Доан жарима майдончаси ичига тўпни узатди, ҳимоячилар фаол ўйнаб, уни узоқлаштиришди.
- 32'
Шупо-Мотингнинг уриниши бесамар кетди. Қарши ҳужум кўришимиз мумкин.
- 30'
Приеттльнинг жарима майдончаси ташқарисидан туриб берган зарбаси бироз юқорилаб кетди.
- 29'
Чап қанотдан мезбонлар позицион ҳужум уюштиришмоқда, Команнинг узатган тўпини ҳимоячилар узоқлаштириб юборди.
- 26'
Дарвозага йўлланган жами зарбалар статистикаси: 4-2!
- 23'
Мануэль Приеттль ўта қўпол ўйнади. Унинг подкатидан сўнг футболчи шикастланган бўлиши ҳам мумкин.
- 21'
"Арминия" футболчиси Андреас Фоглзаммер ўйин қоидасини бузди. "Бавария" жарима зарбасини ижро этади.
- 18'
"Бавария" яхшигина жамоавий ўйин кўрсатмоқда. Барчаси уларнинг назорати остида, паслар сони кўп.
- 16'
Тўп назорати: 66-34!
- 14'
"Бавария" бир неча дақиқа давомида уюштирган позицион ҳужум Саненинг биргина ноаниқ узатмаси сабабли барбод бўлди.
- 12'
Голдан сўнг мюнхенликлар ўйиндаги устунликни янада оширишди. Тўп жиддий тарзда назорат қилинмоқда. Позицион ҳужум авжида.
- 10'
ГООООООООООООООООЛЛЛ!!! "Бавария" тезкор гол ўтказиб юборди! Мишел Влап жарима майдони ташқарисидан туриб тўпни дарвозанинг чапги қисмига жойлаб қўйди! Дарвозабон ҳам, ҳимоячилар ҳам зарба йўлида ожиз қолди! 0-1!
- 8'
Лерой Сане жарима майдони ичига кросс амалга оширди, тўпни рақиб ҳимоячилари олиб қўйишди.
- 6'
Команга нисбатан ўйин қоидаси бузилди. Рақиб унинг футболкасидан тортиб қолди.
- 4'
Эрик Максим Шупо-Мотинг жарима майдончаси ичидан туриб дарвозага зарба йўллади, бироқ дарвозабон уни қайтариб, бурчакка чиқариб юборди.
- 2'
Давид Алаба жарима майдони ичига тўпни ҳаволатиб етказиб берди, бироқ дарвозабон тўпга баланд сакраб, уни эгаллаб олди.
- 1'
Учрашув бошланди!
- 0'
Футболчилар майдонга чиқиб келишмоқда. Бундеслига мадҳияси янгради.
- 0'
Ассалому алайкум, қадрли футбол ихлосмандлари! Германия Бундеслигаси 21-туридан ўрин олган "Бавария" - "Арминия" баҳси бошланиш арафасида. Ўйинни матнли кўринишда сайтимиз орқали кузатиб боришингиз мумкин. Матнли трансляцияни Абдулла Маннонов олиб боради.
Фикрлар