"Бавария" Алькантаранинг "Ливерпуль"га ўтишини тасдиқлади

“Бавария” клуби бошқарув кенгаши раиси Карл-Хайнц Румменигге испаниялик хавбек Тиаго Алькантаранинг “Ливерпуль”га ўтишини тасдиқлади.

“Ниҳоят, “Бавария” “Ливерпуль” билан келишувга эришганини тасдиқлайман. Тиаго чиндан ҳам фаолияти охирида янгилик қилиш истагида эди”, - дейди Румменигге.

Бундан аввалроқ, мерсисайдликлар Алькантара учун мюнхенликларга 30 млн евро тўлаши ҳақида хабарлар тарқалган эди.