“Бавария” “Барса” юлдузини олиб қўймоқчи

“Барселона” плеймейкери Френки де Йонг фаолиятини Германия Бундеслигасида давом эттириш имконига эга бўлди.

Маълумотларга қараганда, “Бавария” каталонияликлар билан 2019 йили Филипе Коутиньо трансферига қўллаган ҳамкорлик усулида иш кўрмоқчи.

Мюнхенликлар нидерландиялик ярим ҳимоячини кейинчалик сотиб олиш ҳуқуқи билан ижарага олишни  таклиф қиляпти.

Де Йонгга “Манчестер Юнайтед” ва “Челси” ҳам даъвогарлик қилмоқда ва бу трансферни бирданига амалга ошириш учун 80-90 миллион евродан воз кечишга тайёр.

Френкининг ўзи Англия клубларига ўтишдан бош тортяпти. Бироқ, “Бавария” таклифи унинг қарорига таъсир қилиши мумкин.

Қолаверса, “Барселона” бу ўйинчидан тезроқ қутилиш ҳаракатига тушиб қолган.