“Бавария” “Барса”га яна бир зарба берди

Чемпионлар лигасида “Барса”ни шармандали ҳисобда мағлуб этиб, Каталония клубини остин-устун қилган “Бавария” энди Куман кўзлаган футболчини улардан тортиб олмоқда.

Рональд Куман Каталонияга келиши билан,  клуб раҳбариятидан “Аякс”да тўп сураётган америкалик ҳимоячи Сержиньо Дестни олиб келишни сўраган эди. Каталонияликлар бир қарорга келгунича, “Бавария” бу трансферни ижобий ҳал қилиш пайига тушди.

Мюнхенликлар ёш футболчи учун амстердамликларга 20 миллион евро турли бонуслар таклиф қилди. “Аякс” бу таклифни қабул қилди ва трансфер масаласи беш кун ичида ҳал этилиши кутилмоқда.