"Бавария" Де Лигт трансферига катта пул ажратди

"Бавария" "Ювентус" ҳимоячиси Маттейс Де Лигт учун "Ювентус"га таклиф билан чиқди. 

Журналист Альфредо Педулланинг хабар беришича, мюнхенликлар у учун 75 миллион евро ҳамда бонуслар таклиф қилишга тайёр. Шундай бўлган тақдирда, умумий тўланган пул 80 миллион евродан ошади.

Шундай бўлса-да, Турин клуби унинг трансферидан нақд 80 миллион евро ишлаб олишни хоҳлайди. 

Аввалроқ, "Челси" нидерландиялик фулбек учун 70 миллион евро+бонуслар таклиф қилгани борасида хабарлар чиқаётганди.