"Бавария" етакчи футболчиси билан шартномани узайтиради

"Бавария" франциялик футболчи Кингсли Коман билан янги шартнома бандларини келишиб олди. Унга кўра, француз йилига 17 миллион евро маош олади. Бу ҳақда "L'Equipe" нашри ёзмоқда. 

Шу тариқа, Коман мюнхенликлар сафида энг кўп даромад қиладиган учинчи ўйинчига айланди. Ундан юқорида Мануель Нойер ва Роберт Левандовски ўрин эгаллаган.

Эслатиб ўтамиз, футболчига "Манчестер Сити", ПСЖ ва "Манчестер Юнайтед" каби клублар қизиқиш билдираётган эди. Кингслининг "Transfermarkt" порталидаги баҳоси 55 миллион евро этиб белгиланган.