"Бавария" етакчиси билан шартномани узайтиришга яқин турибди

"Бавария" жамоа ҳимоячиси Дайо Упамекано билан ҳамкорликни узайтиришга яқин турибди. Бу ҳақда Флориан Плеттенберг хабар бермоқда.

Манба маълумотига кўра, франциялик футболчи Мюнхен клуби билан янги битим шартларини келишиб олган. Маълум бўлишича, янги шартнома 2030 йилнинг ёзигача амал қилади. Ҳимоячининг ҳозирда амалдаги шартномаси жорий йилнинг ёзигача мўлжалланган эди.

Эслатиб ўтамиз, 27 ёшли футболчи 2021 йилдан бери немис клуби сафида ҳаракат қилиб келмоқда. Шу давр мобайнида у 178 та учрашувда майдонга тушиб, 6 та гол киритган ва 11 та голли узатмани ўз номига ёздириб қўйган.