"Бавария" футболчиси илк машғулотдаёқ сафдан чиқди

Мюнхеннинг "Бавария" клуби ярим ҳимоячиси Корентен Толиссо машғулот жараёнида жароҳат олди.

Bild нашри тарқатган хабарга кўра, франциялик футболчи коронавирус пандемияси туфайли юзага келган танаффусдан кейин ўтказилган илк машғулотдаёқ шикастланган. У чап оёқ тўпиғидан жароҳат олгани айтилмоқда.

25 ёшли Толиссо жорий мавсум “Бавария” сафида 24 та ўйинда майдонга тушди ва 3 та гол ҳамда 5 та голли узатмага муаллифлик қилди.