"Bavariya" Kataloniya klubi futbolchisini ko‘zlamoqda

"Espanol" klubi yarim himoyachisi Mark Roka "Bavariya"ning qiziqishlar doirasiga kirib qoldi.

Ispan nashrlarining yozishicha myunxenliklar “Atletiko”dan Rodrini sotib olisholmagach, bor e’tiborlarini aynan kataloniyaliklar futbolchisiga qaratishgan.

Eslatib o‘tamiz, o‘tgan yoz Rokaga Madridning “Real” klubi ham qiziqish bildirgan edi.

Ma’lumot uchun, 22 yoshli ispaniyalik futbolchi o‘tgan mavsum “Espanol” safida jami 40ta o‘yinda maydonga tushdi va o‘z hisobiga 1ta gol hamda 2ta golli uzatma yozdirib qo‘yishga erishdi. Uning transfer narxi esa 30 mln evroga baholanmoqda.