«Бавария» Компани шифохонадан чиқарилганини маълум қилди
«Бавария» бош мураббийи Венсан Компани шифохонадан чиқарилиб, уйида тикланишни давом эттиради.
«Бавария» спорт директори Макс Эберль жамоа бош мураббийи Венсан Компани соғлиғи ҳақида маълумот берди. Аввалроқ бельгиялик мутахассис машғулот вақтида ҳушидан кетгани сабабли шифохонага ётқизилган эди.
«Венсан шифохонадан чиқарилди ва энди уйида тикланишни давом эттиради. У дам олиши ва дори-дармонларни қабул қилиши керак. Бу биз учун жуда қувонарли ва муҳим янгилик. Ишонаманки, Компани тез орада яна ишга қайтиши мумкин», — дея Эберлнинг сўзларини Sky Sport нашри келтирмоқда.
Германия Бундеслигасининг етти туридан кейин «Бавария» 17 очко жамғарган ва қўшимча кўрсаткичлар бўйича Дортмунднинг «Боруссия» клубини ортда қолдириб, турнир жадвалида пешқадамлик қилмоқда.
Изоҳлар (0)